報喜太子虎：

狂賀小冰一take pass~哈~~考到車牌了，叻女哎！^^~

奉上一個奇怪情侶生活點滴：

地點：荃灣

背景：拍拖行街中

冰：唔得啦咁~

虎：哎！？做咩？

冰：你要買過D衫啦~要買D無老虎既衫黎調劑下你既心理哎！

虎：下？做咩哎，鐘意老虎衫，心理變態咩！？(極大反應)

冰：哈.......嘿.......

虎：......呵！....

地點：繼續荃灣

背景：回家途中

虎：唔，我想食D垃圾食物哎，唔，燒賣哎果D哎~

冰：唔，咁咪食囉，返商場買囉~

虎：好哎，我都係咁諗~

冰：我都想食麥甩吉~

虎：....麥甩吉！！？？(又係大反應，就著眉頭)

冰：哈......嘿.......你個反應好搞笑哎！

虎：.......哦，我知哎，我知哎，麥甩吉哎嗎~~係麥樂雞！

冰：唔係，係麥甩吉！係咁叫！

虎：都話麥樂雞囉~

(兩人就奇奇怪怪咁一人一句麥樂雞，一句麥甩吉咁行左去....)

兩年太子虎：

同小冰一齊了兩年，當然要去玩下啦~~詳情就係咁啦，哈~

一早就要起身哎~因為我決定左同小冰進行：一日奇怪情侶濠江大作戰！

一早就搭MTR過上環~去順德中心度搭船哎~

但坐船途中仲爭吵左一陣~我搞到大家都好唔開心~

到落船果陣呢~小冰就話：拿，我而家落船就唔嬲，但哄唔哄得返我呢，就要睇你做化啦！

呢一刻，我當然話好啦~(我心中當然拚命點頭，只要小冰唔嬲咁就得啦)

我地就搭呠過新葡京，嘩，好大哎，不過.....首先就俾人呃左$20玩老虎機哎~

好唔忿氣哎！之後我就對籌碼玩骰寶，不過我輸晒哎~好彩陳小姐幫我贏返

仲要倒贏多一百蚊~玩玩下，我地覺肚餓，就落左氹仔果邊食豬扒包~

臨去食前.....過了威尼斯人.....頂....呃錢ga~輸左小冰贏返黎果D~

我地本來都有排隊ga，但排排下發現....其實我地唔係食包，係唔洗排ga~蠢了~

食完就諗住去抖氣啦~我發現有個人拎住：菓風小鋪~無錯，係哎~

我即刻話：見到哎！見到哎！~(呢間野就係台灣之旅既必遊景點！)

我地就膽粗粗去問人在那裡，果個人仲好好人成張地圖俾埋我地.....

我地知道係在那個叫：三盞燈的地方~之後有個好fake既位出現左...

奇怪情侶生活點滴外地篇：

地點：氹仔街頭

背景：問路

虎：阿sir哎，唔該，請問呢，三盞燈近唔近市政大廳果頭ga~!?

阿sir：唔....唔算好遠既都，你地搭巴士落到大三巴哎果頭，行十零分鐘就到ga la.....

虎：哎，唔該晒....

(阿sir走了)

虎：得啦，好近ga原來~

冰：你真係信......?

虎：哎！？......(想想過去問路被fake經歷)

冰：.....唔......都係靠自已穩陣哎~

虎：唔，亦得哎！

(終於到了三盞燈)

虎：哎，我頂佢哎，十零分鐘就到？我地搭錯一次巴士，到葡京果度再搵巴士先到哎！

冰：拿，我都話ga啦，阿sir講野都好信！？

虎：哈....咁又係woo....都係小冰信得過~信晒你啦(又撒嬌)

冰：........(clock頭)....哈......

.............冰，其實呢....我之前仲話近媽閣廟呢....原來錯得好交關......哈.....

到了菓風小鋪，入了去，原來名過其實，無我地好想買既野.....

仲要貴過台灣好多....無計啦~在台灣入貨的.....行完就搭返巴士出去~

嘩，搵個巴士站都難囉~呢個司機又話行返後D，果個又話對面，對面又話行返對面先o岩...

終於都去返新葡京再搏殺過.....(其實已經進出了新葡京很多次了...)

玩完就諗住去食野~就過左金沙度食哎，都幾好味哎，幾多款~不過期待下次食新葡京多D~

食完就諗住回程了~但死蠢的我買了11點半船，好在有得搭早D~真好彩~

(其實係小冰夠醒，唔好搭太趕果班，就有機會多位D~哈)等船途中仲有家好月圓睇，哈~

之後就回家了哎！

雖然呢個行程唔算好吸引~但我覺得好精彩哎，仲好開心~!

冰，一起了兩年，真係唔經唔覺哎，話咁快就過，但我知我地無變過，真好哎！！

.....還有，謝謝你的禮物，我很喜歡哎，哈~

p.s.期待下一次的外出行程哎！

感謝太子虎：

這段日子，有起有落，謝謝你給了我的支持！

.....石可破之，而不可奪堅；丹可磨之，而不可奪赤.....我定能做到.....

獨腳戲太子虎：

嘿，今日呢個要打哎~

獨腳戲奇怪情侶生活點滴：

地點：陳小姐家

背景：討論波子汽水

虎：哎，粒波子咪用個蓋"o拍"落去囉~(一臉無知)

冰：下？我仲以為你咁醒知道呢粒波子要儲起既，就會扭開個蓋拎出黎先~

虎：哎，我知哎，我知哎，我知道可以一開始就扭開個蓋了....(開始笑了)

冰：........(一見到我笑就知我係"扮識"中)

虎：咩哎！飲波子汽水就係為左"o拍"粒波子落去ga~你話係咪？(死唔悔改性格開始黎料)

冰：........(繼續唔出聲)

虎：咁係哎嗎，你話啦，如果係有罐汽水用塊膠紙痴住粒波子黎送俾人，

        無得"o拍"落去，實無人買哎！(開始打橫黎講)

冰：.........(個樣笑笑口咁覺得無我咁好氣了)

虎：你咪唔出聲哎，答我啦，你都覺得係呢.....！

冰：.........ki.....(望住我笑出黎了)

虎：唔，老實咁講，我就唔買啦.....波子汽水係為左"o拍"ga ja~~(開始忍唔住笑了)....嘿....

p.s.我係小氣既人，我會容易呷醋~但你的坦白~令我信任你得很！嘻~

滿意太子虎：

這三天，渡過了一個很快樂的假期~~

15號同陳小姐一起了一年零十一個月了~放左工之後，同左佢去小日本~哈~

環境幾特別....但野食就.....唔多得....有點不忿氣...仲諗住哄佢開心~~

不過呢.....食完飯後有個小插曲~

奇怪情侶生活點滴：

地點：小巴上~

背景：讚嘆中~

冰：嘩，架小巴好得意~

虎：哎，係哎，坐得好舒服ar~

冰：你睇下，張凳個墊咁厚ga(用手指作比劃狀)~

虎：唔，無錯哎~係"豪華小巴"！(媽的！又亂為東西改名)

冰：都唔知咩世界，土瓜灣呢D乜都無既地方都有D咁靚既小巴~

虎：其實唔係ga，土瓜灣好方便ga~好多車去到呢到ga~(已經開始一路坐一路彈)

冰：哼！(拍)豪華都污糟ga~!

虎：......哦......不過唔怕啦....

then.....兩小口子就為著呢架豪華小巴而讚嘆不停......

之後玩完，行完就落返葵芳了~之後sunny黎接我地去食糖水加遊車河~好好玩哎！

之後仲上左大霧山~有牛哎~日頭見完牛仔，夜晚見大牛~之後就回家了~

16號呢~因為之前太夜睡了~所以訓晏D，醒就去搵陳小姐~

今日既行程係去美食博覽哎~排隊排左九個字~行左個半鐘~不過都叫行到既~

不過阿波羅呃人ga~無想食既味！行完我地去左食葵芳聞名已久既十x蚊麵~

真係好好味~食飽飽等左陣就落葵興間bar玩，玩到三點零就閃人了~

嘿，好開心，我要同大家講，我打樓梯庄唔係真係咁差ga~嘿嘿嘿嘿~!

17號我地去左BBQ ar~上左Sunny度~~玩到好癲~!嘿~

勁玩三日，好開心~不過最重要還是你，哈~~!

謝謝冰給了我三日很開心的假期~

呵欠~~很累~睡先了~~